Oschtwind, Weschträge

D’Pwu Jean Lee isch d’Autoorin vom Gedichtband «East Wind, West Rain». Sie redt flüüsend Änglisch und Chinesisch und het verschideni Schriibwettbewärb i beidne Spraache ggunne. 2002 sind ihri Vers «A Female Son» vo dem Werch i d’Marmorwand vo de Penn Station z’Manhattan, New York City, gätzt worde. Die Uusstellig sowie Gedicht vom Walt Whitman und elf wiitere amerikanische Dichter sind für d’Duuruusstellig vorgseh. Si isch Mitgliid vo de World Chinese Writers Association und de Academy of American Poets. Ihri Übersetzige vo de chinesische klassische Gedicht vo de Cai Wenji usem 1. Jahrhundert n. Chr. sind i de Anthologii «Women on War» (University of NYC Press) veröffentlicht worde.
Während 28 Jahr isch d’Pwu Jean Lee Universitätsprofessorin für Mathematik gsii, und het de Priis für Akademischi Exzellenz i de Leehr vo New Jersey ggunne. Für d’Understützig vo medizinischer Forschig für Bedürftigi und für Liidendi het si au de Tanz vo de foif Kontinänt duregfüehrt. Im Momänt schriibt si zwei Büecher mit zweispraachige Gedicht, sie heissed «Krischtallgedicht» und «Pagode voe de Poesii».
De Herr Pedro Dittli Suter isch in Brasilie geboore worde, er isch au Schwiizer dur Herkunft, und spööter het er di amerikanischi Staatsbürgerschaft aagnoo. Sini Eltere sind us de Schwiiz nach Portugal und nacher nach Brasilie uusgwanderet. Sin Vatter isch im Import-Export-Geschäft, sini Mutter isch Spraachwüsseschaftlerin und Erzieherin gsii. De Pedro hät sin Master-Abschluss in Chemiiingeniöörwese am MIT in Boston, USA gmacht. Er het Karriere bimene groosse Ölkonzern gmacht. Sini Schritte umchreised d’Äärde.
Er isch Spezialischt für Prozessdesign und Sicherheit vo Raffinerie. Er redt flüüssend Portugiisisch, Änglisch, Französisch, Italiänisch, Tüütsch und Spanisch, au interessiert er sich für chinesischi Literatur.
Er het akuuti Sensibilität, Sinn für Humoor, scharfe Witz und en edle Charakter. De Herr Suter isch en freie Tänker und het einzigaartigi poetischi Visioone. Er het vor churzem mit dichterischem Schriiben aagfange. D’Poesii flüüsst wi Flüss und sprudlet wie Brünne, gnäährt vo kultureller und mänschlicher Erfaahrig us de Vergangeheit. Im Wesentlichen, sind sini poetische Gfüühl und sin poetische Kontakt mitem Läbe verwachet, gschätzt und lüüchtend. Em Herr Suter sin Heimatort isch Kölike, Aargau, und s’Aargauertüütsch isch Musig i sine Oore.